"Мэргэжил бүхэн сайхан өдөрлөг" амжилттай болж өндөрлөлөө
2022-04-27
Шинэ иргэншил ПК-оос зохион байгуулсан. "Мэргэжил бүхэн сайхан өдөрлөг"-ийн хүрээнд Хэвлэлийн график, дизайнч мэргэжлийг олон нийтэд таниулах, суртачлах арга хэмжээ 04-р сарын 07 ноос 09 ны өдрүүдэд амжилттай болж өндөрлөлөө.Тус өдөрлөгийн хүрээнд ШУТИС-ийн Үйлдвэрлэлийн технологийн сургуулийн Хэвлэлийн үйлдвэрлэлийн технологийн мэргэжлийн зөвлөх багш Ү.Батжаргал “Ирээдүйд хэвлэлийн үйлдвэрлэлд ямар боловсон хүчин хэрэгтэй вэ?”, “Хэвлэлийн эх бэлтгэх процесст график дизайн гаргах дээр анхаарах асуудал” сэдвээр лекц уншсан юм.Мөн ШУТИС-ийн Үйлдвэрлэлийн технологийн сургуулийн Хэвлэлийн үйлдвэрлэлийн технологийн мэргэжлийн багш Ц.Оюунчимэг (доктор, профессор Ph.D) “Хэвлэлийн салбарын түүхэн хөгжил”, “Хэвлэлийн эх бэлтгэх процесст өнгөний менежментийн харилцан хамаарал” сэдэвт нэгдсэн лекцийг тавьсан нь суралцагчдын хувьд энэхүү мэргэжлээрээ цаашид суралцах итгэл найдвар, урам зориг, эрч хүч өгсөн юм.
